ПРИЛОЖЕНИЕ I.
"Аще кто не знаменается двема персты, якоже
и Христос, да есть проклят"
(Стоглав, 31).
КАКО КРЕСТИТИ ЛИЦЕ СВОЕ
КРЕСТООЕРАЗНО И СО СТРАХОМ СТОЯТИ
ВО СВЯТЕИ БОЖИИ ЦЕРКВИ.
ПИШЕТ СВЯТЫИ ИОАНН ЗЛАТОУСТ СИЦЕ.
Мнози убо невегласи махающе по лицу своему рукою,
творяще крестятся; всуе тружда-ются, занеже не исправляют истово креста
на лицы своем, тому бо маханию беси радуются. А иже кто крестится
истово, покладая руку свою на челе, и на животе, и на правом раме,
и потом на левом, то ангели зряще, веселятся истиннаго Креста воображаема
на лицах их, и Ангел Господень написует тогда входящия в церковь Господню
со страхом и с верою. Да аще кто, при-шед в церковь, стоит со страхом
и со умилением, поклоняние творя ко образу Божию, той восприимет отпущение
грехов и милость Божию. Аще ли без страха, то таковыи больший грех
получив, отходит. Темже и мы, вшедше в церковь, стоим со страхом,
чающе от Бога великия милости, в сии век и в будущий. Ему же слава,
ныне и присно и во веки веком, аминь.
СВЯТАГО ИОАННА ЗЛАТОУСТАГО О ПСАЛТЫРИ.
Вопрошён бысть великий Иоанн Златоустыи от братии:
добро ли есть оставите Псалтырь? Он же рече: уне есть солнцу престати
от течения своего, нежели оставите Псалтырь. Вельми бо есть полезно,
еже поучатися псалмом, и по-читати прилежно Псалтырь. Вся бо нам книги
на пользу суть, и печаль творят бесовом, но не якоже Псалтырь, да
не нерадим.
БУДИ ЖЕ ВЕДОМО И О МОЛИТВЕ ИСУСОВОЙ, КАКО ЛИЦЕ СВОЕ
ЗНАМЕНАТИ КРЕСТООВРАЗНО, И ЧЕСО РАДИ.
КНИГА СТАРЧЕСТВО, СЛОВО 11.
Возлагаем руку свою прежде на чело, потом на пуп и
на правое рамо и на левое. Разумей силу священныя молитвы сея. Полагая
руку свою на главу, речем: Господи. Сим глаголом проповедуем превечное
и пребезначальное рожество Сына Божия, от Отца без матере прежде век.
И потом сносим руку с высоты долу, сиречь со главы на живот, или на
пуп, глаголем: Исусе Христе. То есть схождение Сына Божия с небес-ных
круг, от безначальных недр Отеческия славы на землю, и в пречистом
чреве Своея Матере, Де-вы Марии, безсеменное зачатие и воплощение.
А еже паки от долу, то есть от пупа, возносим руку на правое рамо,
или плече, глаголем: Сыне Божии. То являет паки от земли на небо преслав-ное
Сыновне вознесение и одесную Отца седение по правую руку. Еже глаголет
во псалме 109: Рече Господь Господеви моему: седи одесную Мене, дондеже
положу враги Твоя подножию ног Твоих. Враги Сына Божия - отпадшия
ангелы, сиречь бесы, и непокоривии июдеи, понеже бесовским по-тыканием
распяша Господа славы.
И оттоле паки обносим руку крестообразно на рамо левое, глаголюще
сице: Помилуй мя грешна-го, или Помилуй нас. Сим просим Господа, дабы
свободил нас шуяго стояния и со грешники мучения.
