ПРИЛОЖЕНИЕ IV,
НРАВОУЧЕНИЕ ВАСИЛИЯ ВЕЛИКАГО.
ИЗ ПРЕДИСЛОВИЯ ГРАММАТИКИ ИОСИФА ПАТРИАРХА (ЛИСТ 17).
Святыи Василии Великий, проходя Антиохию, поучил учеников
Ливаания, еже имеати чистоту душевную и безстраастие телесное. Ступание
кротко. Глас умерен. Слово благочинно. Пищу и питие немятежно. При
старейших молчание. При мудрейших послушание. К преимущим повиновение.
К равным себе и меньшим любовь нелицемерную. От злых плотьских и любоплотных
отлучатися. Мало вещати, множайшая разумевати. Не продерзовати словом.
Не избыточествовати беседою. Не дерзым быти на смех, стыдением украшатися.
Женам нечистым не беседовати. Долу зрение имети, горе же душу. Бегати
супротивословия. Не гонити учительский сан. Ничтоже вменяти, еже от
всех чести. Аще ли кто от вас может, - иных пользовати; и сих ради
всех, яже от Бога, мзду ожидает, и вечных благ наслаждение.
